Ximon monigotea

Hau da Ximon. Nire monigote berria.

Tatuajeak modan

1690an, modan jarri ziren tatuajeak Europan. Urrutiko lurraldeetan ikusitako ohiturak ziren, europeartutak. Historia 1693 urteari buruzko blogean kontatu dut.

Zazpiaren ametsa

Dream of number seven from WillyRoa on Vimeo.

Probabilitate-kontua. Bi dado botata, atera dezakezun emaitzarik probableena zazpi da. Zergatik? Begiratu konbinazio posibleei. Bi dado. Bakoitzak sei alde. beraz, sei bider sei, hogeita hamasei konbinazio posible dira.

Otsoa eta zapatillak

Otsoa eta zapatillak from WillyRoa on Vimeo.

20 minutuko lana, gutxi gorabehera.

Apoxalto

Salto egitea dibertigarria da.
Oso dibertigarria. 

Gora monigotea!!

Hemen dago nire monigotea poz-pozik. Bueno... beharbada oso pozik ez, baina azkenean, bizirik dago. Aurreko post batean erakutsi nizuen nola jaio zen, eta, geroztik, eboluzionatu egin du. Aldaketa batzuk egin dizkiot. Altuagoa da orain, animatzeko egokiagoa, niretzat behintzat. Eta kolorea aldatu diot. Ez dakit zergatik. Baina monigote bera da, aurpegirik gabekoa, eta esku handi-handiak.

Ibiltzen ikasi 1

Ez da hain erraza. Ez dakigu ibiltzen jaiotzen garenean. Urtebete behar izaten da ikasteko, gutxi gorabehera. Eta animazioan, ez dakit zenbat denbora behar den, baina gauza bera da... luze jotzen du ibiltzen ikasteak.

Horrek ez du esan nahi txiripaz ezin duzinik asmatu animazio duin bat sortzen. Baina behin bakarrik asmatuta ezin duzu esan ibilkerak animatzen dakizunik. (Niri gertatu zait!!).

Ardibuelta

Ardibuelta from WillyRoa on Vimeo.

Animazioak egiteko modu asko dago. Hau da bat. Joko bat. Txorakeri bat, egia esan. Ordenagailuaren txoko ilun batean aurkitu dut; ez nuen gogoratzen sakoneko karpeta horietan argazki-sekuentzia hau bazegoela.

Ardi baten panpina da lurrean utzita. Kamara hartu eta 28 argazki egin nizkion inguruan buelta bat eginda. Ez nuen zaindu argazki bakoitzaren posizio aurrekoarekiko, gutxi gorabeherako proba bat nahi nuen, besterik ez. Suposatzen dut onena dela tripode bat erabiltzea argazki bakoitzaren posizioa kalkulatu ondoren. Ez nuen horrelakorik nahi. Gainera, 28 argazki egin nituen, eta hori oso gutxi da animazio leun bat lortzeko. (Momentuan 28 zenbaki handia iruditu zitzaidan, baina bideoa ikusi besterik ez dago ulertzeko ezetz).

Bonbilla batek bere burua pizten du

Neure burua piztu from WillyRoa on Vimeo.

Duela bi urte gutxi gorabehera, bideo hau egin nuen. Blenderrekin egiten nuen lehen bideo "luzea" eta konplexua zen. Eta lau bat hilabete eskatu zidan. Yafrai renderizatze-motorrarekin egin nuen, oso argitze polita ematen ziolako (nahiz eta une batzuetan nabaritzen da pixelen dantza oker bat, baina tira.... nahiko ondo geratu zen).