Ximon monigotea

Hau da Ximon. Nire monigote berria.

Indarrez

A ze gauzak egin daitezke Blenderen Sculpt moduarekin. Gaur, bloga ireki nuela LAU URTE betetzen diren egunean bertan, animazio txikitxo hau publikatu dut. 5 segundoko animaziotxo bat. Ospatzeko.

Beltz telephone

Aspaldi ezer publikatu gabe.
Uztailetik ezer kolgatu gabe, eta urtebete azken bideoa jarri nuenetik. Uau.
Eta berreskuratu nahi dut jarduera, baina material zaharra erabilita hasiko naiz. Zaharra bai, baina polita ere bai. Ez esan ez denik dotorea telefonoa... barkatu... telephonoa.
Eta bideotxo honetan pixkanakako koloreztatzea ikusten da:


Beltz telephonikoa from WillyRoa on Vimeo.
Gaur edertasun hutsa... Hurrengoan gehiago. Agian beste zerbait. Laister arte.

Anubis 3.0 kalean!!

Ze poliki doazen gauzak!!! 2011ko urtarrilean sarrera bat argitaratu nuen Anubis 3.0 komikiari buruz. Dani Fanok, egileak, hilabete batzuk lehenago bukatu zuen komikia. Album luze bat. Zoragarria. Zatika argitaratu zuen Xabiroi aldizkarian. Tira, ba orain, azkenean, album formatuan kaleratu da.
Nik beheko animazio txiki hori egin nion, eta orain berriz ere lehen orrira ekarri nahi dut, komikiaren berri emateko.

Zorionak, Dani!!!

Anubis 3.0 from WillyRoa on Vimeo.

Bideoa Dani Fanorena da, eta nahi duen bezala erabil dezake. Horregatik, bideo hau ez dago Creative Commons lizentziaren barruan, baizik eta Dani Fanok erabakitzen duen lizentziarekin.

Fantasiazko tximeleta

Nire lau urteko alabak margotu zuen tximeleta hori. Nik mugimendua eman diot, eta loreen artean sartu dut.

Horacio 3-ren azken bidaia

Munstroa from WillyRoa on Vimeo.

Espaziontzi bat munstro baten ahora erortzen. Tipo Dune, agian... bueno, auskalo. Plano txiki bat, besterik ez. Gogoa nuen horrelako zerbait egiteko.

Txoko Perfektua

Ihes egin nuen txoko perfektura. Baina denboraren poderioz falta nuen kontaktua jendearekin.

Apoxalto

Salto egitea dibertigarria da.
Oso dibertigarria. 

Ez gaude udazkenean!

Ez gaude udazkenean, baina berdin du. Kristalaren efektuarekin ari naiz probak egiten Cycles renderizatze-motorearekin. Modan dago orain, eta oso ona da. Besteak beste, kristala oso ondo simulatzen du. Eta hori probatu beharra zegoen.

Gora monigotea!!

Hemen dago nire monigotea poz-pozik. Bueno... beharbada oso pozik ez, baina azkenean, bizirik dago. Aurreko post batean erakutsi nizuen nola jaio zen, eta, geroztik, eboluzionatu egin du. Aldaketa batzuk egin dizkiot. Altuagoa da orain, animatzeko egokiagoa, niretzat behintzat. Eta kolorea aldatu diot. Ez dakit zergatik. Baina monigote bera da, aurpegirik gabekoa, eta esku handi-handiak.

Tailerra martxan

Gaur izan da SLUN11 tailerra, software librea unibertsitatean jardunaldien barruan. 40 lagun elkartu gara Blenderri buruzko tailerrean, nik zuzendu dudana. Ideia zen Blender programa erabiltzen hastea, eta horretarako proposatu dut kubo batekin jolastearen ideia, modelizatzeko erraza delako, eta Blenderrek ematen dituen aukerak esploratzen hasteko modu bat delako.

Darwinformatika

Monigote baten jaiotza

Monigote bat modelatu dut. Banuen gogoa. Badut buruan zerbait monigotea martxan jartzeko, baina batez ere, probatzeko egin dut, pertsonai baten animazioaren prototipo bezala.

Kontua da erabaki dudala modelizazio-lana sozializatzea, alegia, erakustea nola eman diodan forma pixkanaka. Dakitenentzat, noski, ez da eredugarria (gainera seguro ez dudala modurik erginkorrenean egin), baina ez dakitenentzat kuriosoa izan daiteke gizontxo honen sortze-prozesua. Hurrengo batean bideo bat prozesuaren grabatuko dut, baina hau argazkien bidezko montajetxo batekin osatu dut.

Hemolinfa gaztelaniaz

Beharbada lan gehien eman didan animazioa eta orain arteko osatuena "Hemolinfa, odol berdea" dokumental nanoa izan zen. Iazko apirila aldera hasi eta urriaren 15ean bukatu nuen (ON-Zientzia lehiaketaren lehen edizioarekin koinziditu arazteko). Eta, handik hilabete gutxi batzuetara,  Teknopolis telebista-saioko Manex Urruzolaren laguntzarekin, gaztelaniazko bertsioa ere osatu genuen. Eta nire ordenagailuaren hondo ilunean geratu zen.

Gehiegi, agian.

Zer da ekliptika?

Berriz ere astronomia!!!
Egia da. Baina azkena izango da denboraldi batean.

Kontua da animazio txiki hau neukala esku artean, eta blogean jarri nahi nuela. Oso-oso azkar egindakoa da; ez dago material eta textura sofistikaturik, ezta modelizazio landurik. Pilota pare bat eta plano bat; oinarrian hori da. Eta hamabi segundo, besterik ez.

Nire eklipsea, nire Ilargia

Etxeko balkoiak orientazio ezin hobea du Ilargi betea ikusteko. Eta gaur zen egun aproposena. Baina, noski, gau honetantxe, in this very night, Ilargia ez zen ikusten. Zer egingo diogu, ba? Ilargi-eklipse bat, munduko edozein tokitan gertatzen da Lurra Eguzkia eta Ilargiaren artean jartzen denean. Baina hemen ez. Hemen eklipsea gertatzen da hodeiak tartekatzen direnean gu eta Ilargiaren artean. Eta gaur eklipse osoa zegoen. Lainotuta zegoen.

Nire kontaktua

Eneeeee...

Nabaritzen da ni ez naizela oso blogari ona... Ia bost hilabete dira bloga ireki nuenetik, eta oraindik ez dut gehitu nire kontaktuaren berri. Alegia, ezagutzen ez nautenek ezin dute nirekin kontaktatu, ez bada komentario baten bitartez.

Mea culpa.

Puzzle bat

Ez nintzen gogoratzen bideotxo honekin.
Bartzelonan egin nuen. Uau! Bartzelona...!! Horrela esanda, ematen du 3D diseinua egin dudala hiri handi eta kosmopolitetan!! Gaur Moskun, bihar Buenos Airesen, gero enkargu bat Bartzelonan... Ba, ez. Kongresu batean ginen. Elhuyarkoak geure buruaren publizitatea egitera joan ginen, zientziaren komunikazioari buruzko kongresu batera. Galmourrik gabeko bidaiatxo bat. Hori bai, stan bat geneukan (ez dakit nola idazten den "stan"... "txiringito" hitza erabiliko dut). Eta jendea bertara erakartzeko, oparitxo bat eraman genuen, dohain hartzen diren jostailutxo bat. Puzzle hau zen. Egurrezko zazpi pieza, kubo bat osatzeko.

Itsaso puska bat

Itsaso puska bat from WillyRoa on Vimeo.

Animazio txiki bat. Pare bat orduko kontua, gutxi gorabehera. Proba bat da, besterik ez. 

Modeloa plano bat da, bi texturekin eta uhinen simulazio bat. Texturek olatuak sortzen dituzte, eta mugitu egin ditut, errealismo pixka bat emateko.  Uhinaren anplitudea eta abiadurarekin jolasten moldatzen da marejada handiagoa edo txikiagoa izatea.

Bideoa proba batzuen emaitza da. Askotan probak egiten dituzu proiektu handiago batean erabiltzeko, edo abiapuntu bezala edo teknikak probatzeko. Eta askotan, proiektu handiago hori ez da aurrera ateratzen, baina merezi du probaren emaitza ikustea.

Hau da itsaso puska bat. Ez dakit beste zerbait handiago aterako den hemendik edo ez, baina proba ondo geratu da. Itsaso puska bat kristalezko ontzi batean sartuta. Lehen proban nahiko itsaso lasaia atera zait, baina gero lortu dut marejada kutu hori sortzea. Hamar segundo irauten duen marejadatxoa da, baina fijo begiratuta, zorabiatzeko moduko mugimendua da.