Artoaren festa

Nola irekitzen da arto-ale bat krispeta bat osatzeko? 

5000 bisita

Gaur 5.000 bisitaren mugarrira iritsi da Bad3Di. 

Erotuta zaudete. 

Eskerrik asko!!!!!!!!!

Otsoa eta zapatillak

Otsoa eta zapatillak from WillyRoa on Vimeo.

20 minutuko lana, gutxi gorabehera.

Bad3Di, bi urte

Bueno.. iritsi gara bigarren urtearen bukaerara.
Eta atzera begiratuta, ez da izan aurrekoa bezain aktiboa. Bietan aktibitate gutxi, egia esan. Lasai, hobetuko dut hamar edo hamabi urte barru...
20 post berri izan dira, eta 2173 bisita izan ditut bigarren urte honetan. Ez naiz iritsi oraindik 5.000 bisitetara... baina laister izango da... Nire gogoeta da askoz gauza gehiago produzitzen ditudala blogean jartzen ditudanak baino. Askoz gehiago. Baina ez dit asko kezkatzen.

Ontto Beltza 03

Ontto Beltza 02

Bueno... azkenaldian beste gauza batzuekin ibili naiz, baina azkenean eseri ahal izan dut nire ontto beltzari forma ematen jarraitzeko. Agure zahar baten itxura pixkanaka ari da sortzen, ezta? Ez da perfektua, baina begien eta ahoaren formek eman diote zahar itxura handiagoa hasierako zirriborroarena baino.

Anubis 3.0 kalean!!

Ze poliki doazen gauzak!!! 2011ko urtarrilean sarrera bat argitaratu nuen Anubis 3.0 komikiari buruz. Dani Fanok, egileak, hilabete batzuk lehenago bukatu zuen komikia. Album luze bat. Zoragarria. Zatika argitaratu zuen Xabiroi aldizkarian. Tira, ba orain, azkenean, album formatuan kaleratu da.
Nik beheko animazio txiki hori egin nion, eta orain berriz ere lehen orrira ekarri nahi dut, komikiaren berri emateko.

Zorionak, Dani!!!

Anubis 3.0 from WillyRoa on Vimeo.

Bideoa Dani Fanorena da, eta nahi duen bezala erabil dezake. Horregatik, bideo hau ez dago Creative Commons lizentziaren barruan, baizik eta Dani Fanok erabakitzen duen lizentziarekin.

Ontto beltza 01

Urriak 9. Udazkena. Oraingoan bai.
Udazkena topikoz betetako garaia da. Eguraldia txartzen da, euria, hezetasuna... hostoak erortzen dira, nola ez, eta beharbada horiekin guztiarekin batera, onttoak ateratzen dira eta ez dira ezer irauten!!!
Ontto gaixoak.
Goxoak dira. Mmmm. Baina gaixoak beldur izugarria izan behar dute udazkenean. Baina aber; zer gertatuko litazteke ontto jakintsu batek iraungo balu bizirik urtetik urtera? Ontto beltz zahar bat, eskarmentuz betea. Interesgarria.

Infiltratua

Fantasiazko tximeleta

Nire lau urteko alabak margotu zuen tximeleta hori. Nik mugimendua eman diot, eta loreen artean sartu dut.

Horacio 3-ren azken bidaia

Munstroa from WillyRoa on Vimeo.

Espaziontzi bat munstro baten ahora erortzen. Tipo Dune, agian... bueno, auskalo. Plano txiki bat, besterik ez. Gogoa nuen horrelako zerbait egiteko.

Txoko Perfektua

Ihes egin nuen txoko perfektura. Baina denboraren poderioz falta nuen kontaktua jendearekin.

Partenoi ahula

Esaten dute Grezian gauzak ez daudela batere ondo. Ez dut ezer berririk esan. Baina horrekin batera, esaten dute Greziako patrimonioan islatzen dela. Hemen esaten du. Arkeologoak lanik gabe geratzen dira, indusketak utzi egiten dira, eta museoek ezin dute segurtasuneko jendeari ordaindu. Gainera, herria dagoen bezala dago, noski, eta altxor arkeologikoak lapurtzen ari dira. Egoera gogorra da.

Euskal lurrak

Duela 90 milioi urte, dinosauroen garaian, Iberiar Penintsula ez zen penintsula bat, uharte bat baizik. Baina uharte horren azpiko plaka tektonikoa iparralderantz zihoan, eta, denborarekin, Eurasiako plaka tektonikoaren kontra egin zuen talka. Duela 40 milioi urte, dinosauroen garaia pasata, talkak euskal lurrak (eta, oro har, Pirinioak) itsaspetik lurrazalera aterata zituen.

Horixe erakusten du plano honek, Teknopolis telebista-saiorako egindako plano bat. Ez da oso zehatza zientifikoki, subdukzio-zona batzuk adibidez falta dira. Baina bueno... segundo gutxi batzuetako azalpen dibulgatibo erraz bat emateko balio du.

Galtzerdi marradunak

Ondo ezagutzen nautenek badakite arropa marraduna asko gustatzen zaidala. Eta oso gertukoek badakite, gainera, zenbat abusatzen dudan arropa horrekin. Tira. Orain, zibernetikoki ere abusatu dezaket: hona nire galtzerdi marradunak!!!! Gustatzen zaizkit, nola ez. Baina gehiago gustatzen zaizkit galtzerdien textura zerotik landu dudalako. Bale.. hobetu daiteke, baina ez dute itxura txarra oraingoz, ezta?

Honaino 2012ko maiatzean egindakoa, baina 2014ko otsaila bukaeran pixka bat hobetu ditut galtzerdiak. Xuabetu ditut, oraindik ere Blenderren barruko render motorra erabilita. Hauek lortu ditut:

Ezagutzen al dituzu zure telefonoaren tripak?

Ezkerretik eskubira: atzekaldeko tapa, bateria, telefono-linearen antena eta bere kable pila plastikotan sartuta, aldeetako euskarria, ama-txartela (memoriarekin, sim-txartela, mikorprozesadorea, azelerometroa (telefonoak bertikal edo horizontal dagoen jakiteko) eta gutxienez zirkuitu integratu bat), kameraren lentea, WIFI eta GPS antenak......  ah! eta pantaila. 

Apoxalto

Salto egitea dibertigarria da.
Oso dibertigarria. 

Ez gaude udazkenean!

Ez gaude udazkenean, baina berdin du. Kristalaren efektuarekin ari naiz probak egiten Cycles renderizatze-motorearekin. Modan dago orain, eta oso ona da. Besteak beste, kristala oso ondo simulatzen du. Eta hori probatu beharra zegoen.

Amatxo, hegan egin nahi dut!

"Amatxo, hegan egin nahi dut!"

Euskalnatura taldekoek hitzaldi bat eskatu didate. Hegan egitearen fisikari buruzkoa. Eta gaia izugarri tentagarria da. Are gehiago, horri buruzko artikulu bat idaztea pentsatzen nuen Elhuyar aldizkarirako, eta, bueno, aukera ona zen hitzaldi hau behar dudan materiala irakurtzeko. 

Gora monigotea!!

Hemen dago nire monigotea poz-pozik. Bueno... beharbada oso pozik ez, baina azkenean, bizirik dago. Aurreko post batean erakutsi nizuen nola jaio zen, eta, geroztik, eboluzionatu egin du. Aldaketa batzuk egin dizkiot. Altuagoa da orain, animatzeko egokiagoa, niretzat behintzat. Eta kolorea aldatu diot. Ez dakit zergatik. Baina monigote bera da, aurpegirik gabekoa, eta esku handi-handiak.